Որքան մոտենում են նախագահական ընտրությունները, այնքան ավելի
շատ քաղաքական ուժերի ու նախագահական թեկնածուների կողմից են հնչում միասնական
ծրագրով կամ միասնական թեկնածուով հանդես գալու
անհնարինության մասին ,,իրատեսական,, կանխատեսումներ: Անկասկած, բոլորն էլ ճիշտ են, եթե նրանցից յուրաքանչյուրն ունի միայն իրեն հայտնի նպատակներ
կամ դրանք նույնանում են գործող իշխանական համակարգի պահապանների նպատակների հետ :
Ստորեւ ներկայացվող ծրագրային փաստաթուղթը
շրջանառության մեջ է դրվել դեռեւս 2005 թվականից ։ այս տարվա օգոստոսի 1-ից :
***
ՄԻԱՍՆԱԿԱՆ ԾՐԱԳԻՐ /դրույթներ/
ՄԻԱՍՆԱԿԱՆ ԹԵԿՆԱԾՈՒԻ ՀԱՄԱՐ
1, Սահմանադիր Ժողովի հրավիրումով ընդունել նոր, ազգային Սահմանադրություն: Ի գիտություն ընդունել, որ`
ա. Սահմանադրությունը չի կարող լինել ազգային, եթե այն կազմողները անտեղյակ լինեն ,,Կանոնագիրք Հայոցի,, ,Մխիթար Գոշի և Սմբատ Սպարապետի ,,Դատաստանագրքերի,, , Շահամիրյանների ,,Որոգայթ փառացի,, և Արևմտահայոց Ազգային Սահմանադրության հիմնարար դրույթներին, սկզբունքներին ու գաղափարներին.
բ. Սահմանադրության մեջ սահմանված-ամրագրված պետք է լինեն նաև`
- Հայաստան եւ հայ հասկացությունները.
- Հայոց պետականության իմաստը եւ նպատակը.
- Հայաստանը իրենց հայրենիք համարող այլալեզու, այլադավան ժողովուրդների ազգային ինքնության պահպանումն ու նրանց մշակույթի զարգացումը երաշխավորելու Հայաստանի Հանրապետության հանձնառությունը:
2,
Մշակել Ազգային անվտանգության նոր հայեցակարգ, որում որպես առաջնային ռազմավարություններ հռչակվեն`
ա. տնտեսության զարգացումը բոլոր մարզերում, բնակչության համաչափ տեղաբաշխումը երկրում, միջին մեծության
3-4 քաղաքների ստեղծումը Հայաստանի հարավում, հյուսիսում եւ արեւելքում.
բ. Հայաստանի տարածքային ամբողջականության հետևողական վերականգնումը` երկրի արտաքին քաղաքականությունը, դիվանագիտական գործունեությունը համապատասխանեցնելով այդ նպատակին.
գ. հայրենադարձության գործընթացի վերսկսումը և դրա շարունակականության ապահովումը:
Այս ռազմավարությունները իրագործելու նախապայմաններ համարել`
-տնտեսական և գաղափարախոսական-քաղաքական լիակատար ինքնուրույնությունը.
-կրթամշակութային ազգային քաղաքականության որդեգրումը.
-պաշտպանական սեփական համակարգի առկայությունը և գերակայությունը պաշտպանական այլ կառույցների նկատմամբ:
Այս, ինչպես նաեւ ազգային անվտանգության հայեցակարգի այլ դրույթները կյանքի կոչելու համար որոշիչ դարձնել պետության դերակատարությունը՝
-պետական գործուն վերահսկողություն սահմանելով համապետական, համահայկական նշանակության հոգևոր, մտավոր և նյութական ամբողջ ունեցվածքի տնօրինության, բնության պահպանության և բնական պաշարների օգտագործման նկատմամբ.
- ազգայնացնելով - պետական սեփականություն դարձնելով բովանդակ ժողովրդին եւ նաև գալիք սերունդներին պատկանող նյութական հարստություններն ու հոգևոր ժառանգությունը:
3,
Լուծարել նախագահական համակարգը եւ Հայաստանը հռչակել խորհրդարանական հանրապետություն:
18.10.2012 թ. - Երեւան
շարունակելի
Комментариев нет:
Отправить комментарий