ՀԱՅԱՍՏԱՆՆ ԱԶԱՏԱԳՐԵՆՔ ԶԱՎԹԻՉՆԵՐԻՑ

https://www.facebook.com/azataik/posts/370073123075065

   Քսաներորդ դարի վերջերին  Հայաստանի տնտեսությունը կաթվածահար արվեց, հարյուր հազարավոր մարդկանց տասնամյակների քրտինքով ստեղծվածն ու վաստակածը յուրացվեց մի քանի տասնյակ մարդկանց կողմից:

   Մտավորականը, ազատամարտիկը, գյուղացին, բանվորը  մատնվեցին  գործազրկության,  գամվեցին չքավորության, թշվառության խաչին:

   Կաշառակերությունը, անպատժելիությունը,  թալանը,  արտագաղթը  աննախադեպ  չափերի հասան:

   Ժողովրդավարության, առաջընթացի, զարգացման  քողածածկույթի տակ  շրջանառության մեջ դրվեց հայ – թուրքական հարաբերությունները կանոնակարգող  ,,երջանիկ կյանքի,, ուրվականը:

   Դարանից արձակված գնդակների թիրախ դարձան ազգային,  քաղաքական, ռազմական, մշակութային գործիչներ:

   Արդյունքը եղավ այն, որ լարվածությանը չդիմանալով` երկրի բնակչության զգալի մասը հեռացավ հայրենիքից, շատերն էլ փորձեցին փրկության դեղահաբեր որոնել կասկածելի միությունների ու դաշինքների մեջ, իսկ  վարչախումբն էլ խճճվելով օթյակային, օտարահաճո քաղաքականության լաբիրինթոսում` ներքաշվեց  հայության ձեռքբերումների փոշիացման ցանցի մեջ  եւ վերջնականապես զրկվեց ազգընտիրության տիտղոսից£

   Աներկբայորեն կարեւորելով երկրի ճակատագրով մտահոգ ուժերի համերաշխությունը` արմատական եւ համակարգային փոփոխությունների կողմնակիցերին,   ինքնաառաջադրվելու պատրաստ ՀՀ նախագահի թեկնածուներին հորդորում ենք  2013 թ. ընտրություններում հանդես գալ մեկ միասնական  թեկնածուով  ու  ծրագրով  եւ որպես առաջին քայլ պահանջել.

   1,  համապետական ընտրություններին մասնակցության  շեմ  սահմանել ընտրողների ընդհանուր թվի  75% - ը.

   2,  ընտրություններին մասնակցած ընտանիքների  համար սահմանել արտոնություններ.

   3,  ընտրության օրը  ընտրությունների անցկացումը  իրականացնել բանակի / կամ ոստիկանության/, իսկ հաշվարկը կատարել  հանձնաժողովների միջոցով.

   4.  մինչեւ ընտրությունների  վերջնական արդյունքների հրապարակումը տպագրել ընտրողների կողմիցքվեաթերթիկների ստացման գրանցամատյանների կրկնօրինակները :

18.10.2012 թ. - Երեւան

շարունակելի